ناوي الغزي ## عمر الطاهر الفاخري

من طرف الاربد في الخميس يوليو 17, 2008 5:07 pm

ناوي الغزي كي قبل نرسم سوقه # كان ما قسم من دم بعيد نشوقه

ناوي الغزي ولجرام # نوية الزير الصاحبه همّام

قتّل ضناه احذاه قبل العام # وامهم بلا شي احبال هي مشنوقه

خلها احروب وكان 100 عام # الموهم يقسم بالرضا يا ازموقه

سوا غصب والا اكراه يا بسوام # انطقّت الافن من اجمالى ونوقه

والذهب والماسات ليك اكوام # غير اطلبي ونيري عليا ابتوقه

يم الغتيت اشعل ابريش نعام # نا انشبها وعينك هميل ارقوقه

جازي افدفّه في اشعابى هام # طارف عليه الدوج خاف ايعوقه

##########

ناوي الغزي ولرهاب # كان ما اقسم مولى لعيون ارغاب

انفزّع عربنا وامخول واصحاب # في الشاطي انردها معركة امحروقه

اللي هنا في الشاطي الــ وادي الباب # وسمنو وسبها وعبيدنا المعتوقه

وواجد قبايل مالهمش احساب # امقبل الى حد وين يبدى اشروقه

ايهبوا ابفزعه نا صبين احراب # بنادق ونار الغبن بهم مطلوقه

وانجي نخطفى من كان هو لسباب # لو ما اقسم هكي كلامي ابروقه

##########

ناوي الغزي ولحروب # بالعين القويه وما عليها انتوب

كان ما اقسم بالهادي الله الصوب # فيه هي اتخش ونلتقيه ابشوقه

ضروري ضروري تشتبك لقلوب # كان هو قسم نوفي جميع احقوقه

ضروري ضروري في غلاي اتذوب # كان هو قسم نفتك من نقنوقه

ضروري ضروري يا شفاق اغروب # لونك على لونه اتخشي سوق

غلا في غلا يا نشربوا مشروب # افكاس امغلا واخرى غلاوي فوقه